Alp tog'larida Olimpiada-2026 obektlari qurilishi boshlandi

Yangi yo'nalishda soatiga 1100 dan ortiq odamni tashish imkoniyatiga ega 70 ta sakkiz o'rinli kabinalar faoliyat yuritadi. Uzunligi 4600 metrni tashkil qiladi va yo'lning o'rtasida oraliq to'xtash joyi mavjud.

Yangi dor yo'llari nafaqat chang'ichi va snoubordchilar, balki iliq mavsumda yon bag'irlarni makon tutadigan mauntinbaykchilar uchun ham katta ahamiyatga ega bo'ladi. Bu, shuningdek, uglerod chiqindilarini kamaytirishga yordam beradi, chunki ilgari sayyohlar bir chang'i zonasidan boshqasiga o'tish uchun avtoulovlardan foydalanishlariga to'g'ri kelardi.

ANSA axborot agentligining xabariga ko'ra, loyihani amalga oshirish jarayonida atrof-muhitga katta etibor qaratilmoqda, chunki Dolomitli Alplarning ushbu mintaqasi ekologiyani muhofaza qiluvchi tashkilotlar muhofazasida. Dor yo'llari qurilishi uchun masul bo'lgan qurilish kompaniyasi ekologik kompensaciyani qoplash bo'yicha ishlarni amalga oshirish uchun rasmiylar bilan shartnoma imzolaydi, chunki qoziqlarni qoqish paytida ko'plab daraxtlarni kesishga to'g'ri keladi.

Eslatib o'tamiz, 2021 yilda Dolomitli Alplar markazida joylashgan Kortina-d’Ampecco tarixda beshinchi marta tog' chang'isi bo'yicha jahon chempionatiga mezbonlik qiladi. Dam olish maskanida ushbu sport turi bo'yicha ayollar o'rtasida Jahon kubogi bosqich bahslari ham muntazam o'tkazib turiladi. 2026 yilgi qishki Olimpiya o'yinlari Kortina-d’Ampecco va Milan shaharlarida bo'lib o'tadi.