14 sen 09:20
Yangiliklar

Boks/MMA

Alvares Golovkinni mag'lub etsa ham WBC tituliga ega bo'lmaydi

Professional boksning o'rta vazn toifasida WBA (Super), IBO, WBC hamda IBF yo'nalishlari chempioni qozog'istonlik Gennadiy Golovkin 16 sentyabr kuni meksikalik Saul Alvaresga qarshi ringga ko'tariladi.

Mabodo, ushbu jangda Alvares g'alaba qozonsa, Golovkinga tegishli WBC chempionlik kamarini qo'lga kirita olmaydi. Boisi, bu kamar o'rtaga qo'yilmagan va Golovkin mag'lubiyatga uchragan taqdirda chempionlik tituli vakantga aylanadi.

Takidlash joiz, WBC tashkiloti Golovkin – Alvares jangi g'olibi uchun maxsus chempionlik kamarini tayyorlab qo'ygan. Uzoq kutilayotgan superjang 16 sentyabr kuni AQSHning Nevada shtati Las-Vegas shahridagi T-Mobile arenasida bo'lib o'tadi.