25 jan 10:57
Yangiliklar

Tennis

Amaldagi Australian Open chempioni 15 yoshli raqibasiga yutqazib qo'ydi

Melburn shahri mezbonlik qilayotgan "Katta Dubulg'a" turkumidagi Avstraliya Ochiq chempionati o'zining qizg'in pallasiga kirdi.

Kutilmaganda musobaqaning ayollar o'rtasidagi amaldagi g'olibasi Naomi Osaka o'z yurishini to'xtatdi. Dunyoning to'rtinchi raketkasi bo'lib turgan yaponiyalik tennischi uchinchi davra uchrashuvida amerikalik 15 yoshli Kori Goffga yutqazib qo'ydi.

1 soatu 8 daqiqa davom etgan bahsda Kori chempionni 6:3, 6:4 hisobida mag'lub etdi. Goff Australian Open birinchi davrasida amerikalik tajribali tennischi Vinus Uilyamsdan ustun kelgan edi. Bungacha Serena Uilyams ham uchinchi davrada yutqazdi.