24 mar 07:56
Yangiliklar

Tennis

Amaldagi chempion Medvedev Mayami "Masters" uchinchi davrasiga yo'l oldi

AQSHning Mayami shahrida tennis bo'yicha "Masters" seriyasiga kiruvchi turnir davom etmoqda.

Mukofot jamg'armasi 8,9 million dollarni tashkil etuvchi ushbu musobaqada uchinchi davra ishtirokchilari aniqlanyapti. Dunyoning to'rtinchi raketkasi, rossiyalik Daniil Medvedev ikkinchi davrada ATP reytingida 86-pog'onada borayotgan vengriyalik Marton Fuchovichni 6:4, 6:2 hisobida mag'lubiyatga uchratdi.

Etmish sakkiz daqiqa davom etgan bahsda Medvedev 3 ta, Fuchovich 4 ta eys zarbani amalga oshirgan. Daniil Mayami "Masters" turnirining amaldagi chempioni hisoblanadi. U o'tgan yilgi finalda italiyalik Yannik Sinnerdan ustun kelgan edi.