Amanmuradova asosiy to'rda, Nigina Abduraimova o'yinni oxirigacha etkaza olmadi

Avvalroq, o'zbekistonlik tennischilar Nigina Abduraimova va Akgul Amanmuradova ushbu turnirning saralash bahslarida ishtirok etayotganligi haqida xabar qilgandik. 

Bugun tennischilarimiz saralashning hal qiluvchi bosqichida kortga chiqishdi. 

Akgul Amanmuradova yaponiyalik Rina Saigoga qarshi o'yin o'tkazdi. 1 soat 48 daqiqa davom etgan o'yinda hamyurimiz 6:7, 6:1, 10:4 hisoblarida g'alaba qozondi va asosiy bosqichga yo'l oldi. 

Nigina Abduraimova esa asosiy davraga chiqish uchun Papuya Yangi Gvineya vakili Abigail Tere-Apisaxga qarshi bahs yuritib, afsuski uchrashuvni oxirigacha etkaza olmadi. O'yinning 22-daqiqasiga kelib Nigina 1:3 hisobida mag'lub bo'layotgandi va o'yinni davom ettira olmasligini malum qildi.