Ana Ivanovich 30 yoshda + FOTO

Ana 1987 yilda Miroslav va Dragana Ivanovichlar oilasida dunyoga kelgan. Onasi yurist, otasi esa biznesmen. SHuningdek, uning ukasi Milosh ham bor.

Ivanovich 5 yoshidan boshlab tennis bilan shug'ullana boshlagan. Uning kumiri vatandoshi Monika Selesh hisoblangan.

Sportchilik faoliyatini 2003 yilda boshlagan. 2004 yilda ITF turniridagi ilk turnirida g'alaba qozongan. Oradan biroz o'tib esa WTA tur doirasidagi turnirlarda ishtirok eta boshlagan. Ilk WTA turniri g'olibligiga esa 2005 yilda Kanberrada erishgan. Faoliyati davomida 15ta turnirda g'alaba qozongan.


2008 yilda "Rolan Garros" g'olibi bo'lganidan so'ng dunyo reytingida birinchi o'ringa ko'tarilib olgan.

Faoliyatidagi so'nggi turnirni u "US OPEN-2016"da o'tkazdi. O'sha turnirda u birinchi bosqichdayoq imkoniyatni boy berib qo'ygandi. Dekabr oyida esa sportchilik faoliyatini yakunlashi haqida malum qildi.

So'nggi yillarda uning hayotida ko'plab esda qolarli voqeliklar sodir bo'ldi. 2016 yilning 12 iyulida Ana futbolchi Bastian SHvaynshtaygerga turmushga chiqdi. Ayni paytda "yosh oila" CHikagoda istiqomat qiladi. Bir necha oy oldin u farzand kutayotgani malum bo'lgandi.