Ana xolos. Dunyoning birinchi raketkasi uch oyga chetlatildi

Butunjahon antidoping agentligi (VADA) xabariga ko'ra, italiyalik tennischining jazo muddati 2025 yilning 9 fevralidan 4 mayiga qadar amalda bo'ladi. Sinner "Katta Dubulg'a" turkumiga kiruvchi "Rolan Garros" turniridan yana musobaqalarda qatnashishi mumkin. Franciya Ochiq chempionati 19 may kuni start oladi.

Malumot uchun, o'tgan yilning mart oyida Yannikning doping uchun topshirgan test-tahlili ikki bor ijobiy natija bergandi. Unda taqiqlangan steroid klostebol moddasi aniqlangan edi. Avgust oyida Tennisda halollik va shaffoflikni taminlash xalqaro agentligi (ITIA) Sinnerni aybsiz deb topdi. Lekin VADA tashkiloti bunga nisbatan apellyaciya berib, tennischini bir yildan ikki yilgacha muddatga chetlatish kerakligi talab qildi. Oxir-oqibat Sport arbitraj sudi (CAS) VADAning talabini qanoatlantirdi.