Anett Kontaveytning Tursunov bilan hamkorligi to'xtadi

"Rolan Garros" turniri yakunlariga ko'ra Kontaveyt o'z faoliyatida ilk bor dunyoning ikkinchi raketkasiga aylandi. 

"Anettga birgalikdagi faoliyat uchun minnatdorlik bildiraman. Reytingda ikkinchi o'ringa ko'tarilgani bilan tabriklayman. U bilan birga ishlaganimdan faxrlanaman va shu bilan birga hamkorlik to'xtayotganidan biroz qayg'udaman. Lekin bu hayot va hammasi yaxshilikka", - deb yozadi Tursunov.

O'tgan mavsum Kontaveyt Dmitriy Tursunov murabbiyligida 4 ta WTA sovrinini qo'lga kiritdi. Yakuniy WTA turniri finalida o'ynadi. Top-10 reytingida debyut qildi. Bu yil Sankt-Peterburg turnirida chempion bo'lib, Dohada finalga qadar etib bordi. SHundan keyin 8 ta uchrashuvning 5 tasida mag'lubiyat alamini totib ko'rdi.