05 sen 09:19
Yangiliklar

Tennis

Anjelik Kerber US Open 1/8 finaliga chiqdi

AQSHning Nyu-York shahrida "Katta Dubulg'a" turkumiga kiruvchi US Open turniri davom etmoqda.

Ayollar o'rtasidagi bahslarda sayyoramizning 23-raketkasi Anjelik Kerber turnirning nimchorak finaliga yo'l oldi. Germaniyalik tennis malikasi uchinchi davra uchrashuvida reytingning 128-pog'onasidan joy olgan amerikalik Enn Lini ortiqcha qiyinchiliksiz mag'lubiyatga uchratdi - 6/3, 6/4.

Bir soatu 16 daqiqa davom etgan uchrashuvda Anjelik bitta, Enn esa ikkita eys zarbani amalga oshirdi. Bu tennischilarning o'zaro o'tkazgan ilk uchrashuvi edi. Endi Kerber US Open turnirining nimchorak finalida franciyalik Karolin Garsiyadan ustun kelgan amerikalik Jennifer Brediga qarshi kortga chiqadi.