Polina Kudermetova Chennai Open 1/4 finaliga yo'l oldi

Musobaqada ishtirok etayotgan Polina Kudermetova ortiqcha qiyinchiliksiz chorak final yo'llanmasini qo'lga kiritdi. O'zbekistonning uchinchi raketkasi 1/8 finalda ispaniyalik Oksana Selexmetovaga hech qanday imkoniyat qoldirmadi - 6/3, 6/0. 

Taqqoslash uchun, Kudermetova ayni paytda dunyoning 93-raketkasi bo'lib turibdi, Selexmetova esa WTA reytingida 122-pog'onadan joy olgan. Roppa-rosa 80 daqiqa davom etgan bahsda vakilamiz 3 ta eys zarbasini amalga oshirib, 3 ta qo'shxatoga yo'l qo'ydi. Oksanada eys zarbalar bo'lmadi. Tennis malikalarining o'zaro o'tkazgan uchinchi uchrashuvida ham Kudermetovaning qo'li baland keldi.