Antidoping agentligi: Parij-2024 Olimpiadasiga tayyorgarlik ko'rayotgan sportchilarga tushunchalar berildi

O'zbekiston Respublikasi Prezidentining “Mamuriy islohotlar doirasida O'zbekiston Respublikasi Milliy antidoping agentligi faoliyatini samarali tashkil qilish chora-tadbirlari to'g'risida”gi qarori qabul qilingan bo'lib, mazkur qarorda sportda doping qo'llanishining oldini olish va dopingga qarshi kurashish bo'yicha uslubiy tavsiyalar ishlab chiqish, jismoniy tarbiya-sport tashkilotlari va boshqa tuzilmalarning antidoping nazorati sohasida qo'shma tadbirlar tashkil etish va tajriba almashish orqali o'zaro hamkorligini taminlash belgilangan.

SHuningdek, qarorda Milliy antidoping agentligi faoliyatining ustuvor yo'nalishlari sifatida sport federaciyalari, klublari va jamoalari tibbiyot xodimlarining malakasini oshirishga ko'maklashish, ularga sportda doping qo'llanishining oldini olish va antidoping nazoratini amalga oshirish borasida uslubiy yordam ko'rsatish, talim dasturlarini realizaciya qilish, sog'lom va halol sportni targ'ib qilish maqsad qilib qo'yilgan.

Mazkur topshiriqlar ijrosini taminlash maqsadida to'rt yillikning eng nufuzli sport musobaqasi Olimpiya va Paralimpiya o'yinlariga licenziya beruvchi musobaqalarga tayyorgarlik ko'rayotgan sportchilarga antidoping sohasida ko'nikmalar berib kelinmoqda.

Kuni kecha Agentlik tomonidan Toshkent shahrida o'quv-mashg'ulot yig'inini olib borayotgan taekvondo WT bo'yicha terma jamoa azolariga “ADEL platformasidan foydalanish va terapevtik istisnoni qo'llash” mavzusida o'quv-seminar o'tkazildi. Seminar davomida sportchilar o'zlarini qiziqtirgan savollar bilan mutaxassislarga yuzlanishdi va kerakli tavsiyalarni olishdi.