Aqlga sig'maydi: "Olimpiada-2018"ning bosh stadionini o'yinlardan so'ng darxol buzib tashlashmoqchi

O'z bag'riga 35 000 tomoshabinni sig'dira oladigan ushbu arenani Paralimpiya o'yinlaridan so'ng, mart oyida buzib tashlashmoqchi. Uning o'rnida shahar markazida muzey va boshqa ko'ngilochar joylar bo'lishi rejalashtirilgan.

Avvaliga tashkilotchilar ochilish va yopilish marosimlarini shahar yaqinida joylashgan stadionda o'tkazishni maqsad qilgandilar.

Lekin, shahar aholisi marosimni boshqa shaharga ko'chirish qaroriga qarshi bo'ldi va tashkiliy qo'mita ularga qarshi bo'lishni istamadi.



Olimpiya stadioni 22 oy davomida qurildi. U 105 million dollarga tushdi. (O'z vaqtida bu 78 million dollar bo'lishi taxmin qilingandi).

Obekt maydoni 240 ming kvadrat metrni tashkil qildi.

Arenaga yaqin joyda medal topshirish maydonchasi bor. Taqdirlash marosimidan tashqari u erda xar kuni ko'rgazmalar, turli chiqishlar va boshqa tadbirlar o'tkaziladi.

Eslatib o'tamiz, Janubiy Koreyadagi qishki Olimpiada 2018 yilning 9-25 fevral kunlari bo'lib o'tadi. O'yinlarda 102ta medallar jamlanmasi o'ynaladi. Bu esa Sochidagi o'yinlardan 4taga ko'p degani.

sports.ru sayti asosida tayyorlandi