Arman Dyuplantis – yangi jahon rekordini o'rnatgan Olimpiya chempioni!

Asosiy favorit sanalgan shveciyalik sportchi Arman Dyuplantis navbatdagi yutuqqa erishdi. 

Uning raqiblaridan hech biri hatto olti metrlik balandlikni ham zabt etolmadi. Dyuplantis esa bir qator rekordlarni o'rnatishga kirishib ketdi va buning uddasidan chiqdi. U o'ziga tegishli jahon rekordi (6,24)ni yangiladi. 6,25 m plankani uchinchi urinishida muvaffaqiyatli yakunlagan atlet oltin medalni qo'lga kiritdi! 

Musobaqada ikkinchi o'rin amerikalik Sem Kendriks (5,95) va uchinchi o'rin esa greciyalik Emmanuil Karalis (5,90)ga nasib qildi.