21 mar 17:20
Yangiliklar

Tennis

Aslan Karacev Dubayni zabt etdi

BAAning Dubay shahrida o'tkazilayotgan tennis bo'yicha ATP turniri yakunlandi.

Bosh sovrin rossiyalik Aslan Karacevga nasib etdi. Dunyoning 42-raketkasi bo'lib turgan 27 yoshli Aslan Karacev 75 daqiqa davom etgan final baxsida reytingning 81-pog'onasidan joy olgan JAR vakili Lloyd Xarrisni mag'lubiyatga uchratdi - 6/3, 6/2.

Bu tennischilarning o'zaro o'tkazgan ilk uchrashuvi edi. Dubai Duty Free Tennis Championships turniridagi muvaffaqiyatli ishtirok Karacevga 500 reyting ochkosi hamda 149,490 dollar mukofot puli taqdim etdi.