Ben SHelton faoliyatidagi ilk sovringa Tokioda ega chiqdi

Dunyoning 19-raketkasi bo'lib kelgan Ben SHelton hal qiluvchi final bahsida ATP reytingida roppa-rosa 50-o'rinni egallagan rossiyalik Aslan Karacevni mag'lubiyatga uchratdi - 7/5, 6/1. Bu tennischilarning o'zaro ikkinchi uchrashuvi edi - 2:0. Sakson to'rt daqiqa davom etgan bahsda Karacev 1, SHelton 3 ta eys zarbani amalga oshirgan. Ben 4 ta breykka ham ega bo'lgan. 

Amerikalik tennischi faoliyatida ilk bor ATP sovrinini qo'lga kiritdi. Kunchiqar yurtdagi muvaffaqiyatli ishtirok SHeltonga 500 reyting ochkosi hamda 347,390 AQSH dollari miqdoridagi mukofot pulini taqdim etgan. U ilk bor Top-15 reytingida debyut qiladi. Karacev esa 300 ochko va 186,920 dollarga ega bo'ldi. Rossiyalik tennischi Top-40`ga qaytadi.