18 iyu 09:29
Yangiliklar

Tennis

Astana “Fyuchers”. Tennischilarimizning ikkinchi davradagi raqibalari malum

Qozog'istonning Astana shahrida tennis bo'yicha “Fyuchers” turkumiga kiruvchi nufuzli turnirning asosiy to'r bahslari davom etmoqda.

Mukofot jamg'armasi 80 000 AQSH dollarini tashkil qiluvchi ushbu musobaqada mamlakatimizning etakchi tennischisi - Sabina SHaripova, Nigina Abduraimova va Oqgul Omonmurodova ham ishtirok etyapti.

Xabar berganimizdek, kecha uchchala tennischimiz ham ilk davrada raqibalarini mag'lubiyatga uchratishgandi. Kunning ikkinchi yarmida ularning ikkinchi bosqichdagi raqibalari ham malum bo'ldi.

Turnirning birinchi raketkasi sifatida harakat qilayotgan Sabina SHaripova chorak final chiptasi uchun turkiyalik Berfu CHengizga, oltinchi raqam ostida tasniflangan Nigina Abduraimova rossiyalik Varvara Flinkka, Oqgul Omonmurodova esa turnirning beshinchi raketkasi gruziyalik Ekaterina Gorgodzega qarshi kortga chiqadi.