WTA reytingi. Timofeeva O'zbekistonning birinchi raketkasi! (+Jadval)

Etiborlisi, O'zbekiston fuqaroligini qabul qilgan rossiyalik Mariya Timofeeva rasman mamlakatimizning birinchi raketkasiga aylandi. U yangilangan WTA reytingida 18 pog'onaga yuqorilab, 146-o'rinda qayd etildi. U ikki kun avval yakuniga etgan Portugaliyadagi W75 toifasiga kiruvchi turnirda chempion bo'lgandi. Ikkinchi raketkamiz Vlada Yakshibarova ham o'tgan hafta bilan taqqoslaganda 18 o'ringa ko'tarilgan. 

Birgina Sabrina Olimjonova 22 pog'onaga pastlagan. Nigina Abduraimova va Diana Yakovleva o'z o'rinlarida o'zgarishsiz qolishdi. Milana Maslenkova 3, Darya SHubina 1 pog'onaga yuqoriladi. 

Yangilangan reytingda hamon belaruslik Arina Sobolenko katta farq bilan peshqadamlik qilmoqda. Kuchli uchlikdan polshalik Iga Svyontek va amerikalik Koko Goff o'rin olgan. Top-10 reytingida bir nechta o'zgarish kuzatildi. Elena Ribakina chempionlik sabab 9-pog'onadan 7-o'ringa ko'tarildi. Jasmin Paolini ham ikki o'ringa yuqoriladi. Rossiyalik iqtidor egasi Mirra Andreeva aksincha, 6-o'rindan 9-pog'onaga tushdi.   

WTA reytingi. 20 oktyabr kungi holat:

1. (1) Arina Sobolenko (Belarus) - 10 390 ochko

2. (2) Iga Svyontek (Polsha) - 8703

3. (3) Koko Goff (AQSH) - 7863

4. (4) Amanda Anisimova (AQSH) - 5914

5. (5) Djessika Pegula (AQSH) - 5183

6. (8) Jasmin Paolini (Italiya) - 4525

7. (9) Elena Ribakina (Qozog'iston) - 4505

8. (7) Medison Kiz (AQSH) - 4395

9. (6) Mirra Andreeva (Rossiya) - 4319

10. (10) Ekaterina Aleksandrova (Rossiya) - 3375...

O'zbekistonlik tennischilarning WTA reytingidagi o'rni:

146 (164). Mariya Timofeeva – 519 

1012 (1030). Vlada Yakshibarova – 19  

1178 (1181). Milana Maslenkova – 11 

1263 (1264). Darya SHubina – 8

1309 (1309). Nigina Abduraimova – 7  

1463 (1463). Diana Yakovleva – 3

1463 (1441). Sabrina Olimjonova – 3