ATP Finals. Dunyoning birinchi raketkasida ikkinchi g'alaba

Dunyoning birinchi raketkasi Yannik Sinner guruhning ikkinchi uchrashuvida ATP reytingida beshinchi o'rinni egallab turgan amerikalik Teylor Fritcni 6/4, 6/4 hisobida mag'lubiyatga uchratdi. Italiyalik bu g'alabasi bilan tennischilarning o'zaro uchrashuvlaridagi hisobni 3:1 ko'rinishiga olib keldi. 

Roppa-rosa 100 daqiqa davom etgan bahsda Sinner 6, Fritc 7 ta eys zarbasini amalga oshirgan. Ikkala tennischi ham qo'shxatoga yo'l qo'ymadi. Sinner Ilie Nastase guruhida ikki g'alaba bilan peshqadamlikni davom ettirmoqda. Endi u so'nggi uchinchi turda rossiyalik Daniil Medvedevga qarshi kortga chiqadi.