ATP reytingi. Sultonov 21, Fomin 17, SHin 2 pog'onaga ko'tarildi

Maysa qoplamali turnirlar natijasida reytingda ayrim o'zgarishlar sodir bo'ldi. Lekin bu o'zgarishlar Top-10 reytingidagi tennischilarning o'rinlariga tasir o'tkazmadi. Tennis yulduzlari o'tgan haftadagi o'rinlarini saqlab qolishdi. Yannik Sinner hamon dunyoning birinchi raketkasi maqomini o'zida saqlab turibdi. 

Istburn turnirida bosh sovrinni qo'lga kiritgan amerikalik Teylor Fritc Tommi Polni ortda qoldirib, yana AQSHning birinchi raketkasiga aylanib oldi. Malorka turniri chempioni Alexandro Tabilo Top-20`da debyut qildi. CHempionlik unvonini himoya qila olmagan Kristofer Yubenks esa aksincha, 20 pog'onaga pastladi. 

Yangilangan reytingda uch nafar tennischimiz reytingda o'sishga erishdi. Birinchi raketkamiz Humoyun Sultonov Belgiyadagi turnirda vice-chempion bo'ldi. U qo'lga kiritilgan 16 ochko evaziga 21 pog'onaga yuqorilab, dunyoning 309-raketkasi bo'lib oldi. Sergey Fomin 17, Maksim SHin esa 2 pog'onaga yuqoriladi. Amir Milushev esa 4 o'ringa pastladi.

ATP reytingi. 1 iyul holatiga ko'ra Top-10:

1. (1) Yannik Sinner (Italiya) - 9890 ochko

2. (2) Novak Jokovich (Serbiya) - 8360

3. (3) Karlos Alkaraz (Ispaniya) - 8130

4. (4) Aleksandr Zverev (Germaniya) - 6905

5. (5) Daniil Medvedev (Rossiya) - 6445

6. (6) Andrey Rublyov (Rossiya) - 4420

7. (7) Xubert Gurkach (Polsha) - 4235

8. (8) Kasper Ruud (Norvegiya) - 4025

9. (9) Aleks De Minaur (Avstraliya) - 3830

10. (10) Grigor Dimitrov (Bolgariya) - 3750...

O'zbekistonlik tennischilarning ATR reytingidagi o'rni:

309 (330). Humoyun Sultonov - 173 (+16) 

615. (632). Sergey Fomin - 55 (+2)

1156. (1158). Maksim SHin - 8 

1694T (1690T). Amir Milushev - 2