ATP tarixida uchinchi bor saralashdan chiqqan tennischilar finalda o'ynaydi, bundan avvalgisi Istominda bo'lgandi

Musobaqaning finaliga asosiy to'rga saralash bahslari orqali etib kelgan tennischilar yo'l olishdi. ATP reytingida mos ravishda 207 va 136-pog'onalarda borayotgan Fakundo Banis va Luchano Darderi bugun ATP 250 toifasiga kiruvchi turnir bosh sovrini uchun kortga chiqadi. 

Ikkala tennischi ham kvalifikaciya, yani saralash bahslarida zafar quchib, asosiy to'rga chiqishgandi. Bunday holat ATP tarixida uchinchi bor kuzatildi. Bungacha 2015 yil Sidney shahria o'tgan turnir finalida serbiyalik Viktor Troicki qozog'istonlik Mixail Kukushkinni 6/2, 6/3 hisobida taslim etgandi. 

Etiborlisi, Kitcbyuel-2018 turniri finalida slovakiyalik Martin Klijan hamyurtimiz Denis Istomindan ustun (6/2, 6/2) kelgandi. O'shanda Martin ham, Denis ham asosiy to'rga saralash turniri orqali etib kelishgan edi.