ATP Yakuniy turnir. Tim Federerdan keyin Jokovichni ham mag'lub etdi va 1/2 finalga yo'l oldi

Turnirda yakkalik va juftlik reytingida kuchli sakkiztalikdan joy olgan raketka ustalari o'zaro bosh sovrin uchun kortga chiqishyapti. “O2 Arena”da o'tayotgan turnirning guruh bosqich ikkinchi tur uchrashuvida yana kutilmagan natija qayd etildi. 

Biriichi turda Rojer Federerni mag'lub avstriyalik Dominik Tim kecha dunyoning ikkinchi raketkasi, serbiyalik Novak Jokovichdan ham ustun keldi. Beshinchi raketka 2 soatu 47 daqiqa davom etgan bahsda nomdor raqibidan 6/7(5), 6/3, 7/6(5) hisobida ustun keldi. 

Uchrashuv davomida 26 yoshli Dominik 6, 32 yashar Novak esa 9 ta eys zarbasini amalga oshirdi. Jokovich o'zaro uchrashuvlarda hamon etakchi bo'lib qolmoqda - 6:4. Ketma-ket ikkita g'alabaga erishgan Dominik Tim muddatidan avval yarim finalga yo'l oldi.