ATP Yakuniy turniri. Federer guruhning uchinchi bahsida ham zafar quchdi

Londondagi “O2 Arena” korti mezbonlik qilayotgan va sovrin jamg'armasi 7 million dollarni tashkil qiluvchi ushbu turnirda Rojer Federerning bosh mukofot uchun asosiy davogar ekanligi oydinlashib qoldi.

Dunyoning ikkinchi raketkasi ketma-ket uchinchi uchrashuvida ham g'alabaga erishdi. SHveycariyalik tennis yulduzi 1 soatu 54 daqiqa davom etgan bahsda dunyoning beshinchi raketkasi hisoblangan xorvatiyalik Marin CHilichni 6:7(5), 6:4, 6:1 hisobida mag'lub etdi.

Guruh bosqichida uchta g'alabaga erishgan Rojer Federer birinchi o'rin egasi sifatida yarim final yo'llanmasini qo'lga kiritdi. CHilich esa uchchala uchrashuvda ham mag'lubiyat alamini totib ko'rdi.