17 noy 10:07
Yangiliklar

Tennis

ATP Yakuniy turniri. Zaxira tennischisi g'alaba bilan boshladi

Italiyaning Turin shahri mezbonligida o'tayotgan tennis bo'yicha Yakuniy ATP turnirida majburiy o'zgarish bo'ldi.

Musobaqaga zaxira tennischisi sifatida qo'yilgan italiyalik Yannik Sinner jarohat sabab musobaqada qatnasha olmasligi oydinlashgan vatandoshi Matteo Berrettining o'rnini egalladi.

ATP reytingida 11-pog'onadan joy olgan Sinner o'zidan ikki pog'ona yuqorida borayotgan polshalik Xubert Gurkachga qarshi kortga chiqib, raqibini ikki setda ham bir xil hisobda mag'lub etdi - 6/2, 6/2.

Tennischilar kortda 85 daqiqa harakat qilishgan. Tennischilarning o'zaro uchrashuvlaridagi hisob muvozanati tiklandi - 1:1. Sinner turnirdagi ishtirokini g'alaba bilan boshlagan bo'lsa, Gurkach ikkinchi mag'lubiyatini qarshi oldi.