Australian Open. Birozdan so'ng Istomin vs Jokovich to'qnashuvi boshlanadi

Mamlakatimizning birinchi raketkasi Avstraliya Ochiq chempionatining ilk davrasida xorvatiyalik Ivan Dodigni 4 setda (6:1, 6:4, 3:6, 7:5) mag'lub etgandi.

Novak Jokovich Australian Open musobaqasida olti marta (2008, 2011, 2012, 2013, 2015 va 2016 yillar) chempion bo'lgan. Demak, bugun Istomin musobaqaning amaldagi g'olibiga qarshi o'yin o'tkazadi.

Serbiyalik tennischi “Katta Dublg'a” turkumiga kiruvchi barcha musobaqalarda g'olib chiqa olgan. Jokovich uch marta Uimbldon, ikki bor US Open va bir marta Rolan Garros turnirida zafar quchgan.

Faoliyati davomida Novak yakkalik bahslarida jami 67ta musobaqada chempionlikni nishonlagan. 29 marta finallarda mag'lub bo'lgan.

Istomin hamda Jokovich bugunga qadar 5 marta to'qnash kelishgan. Ularning barchasida serbiyalik tennischi zafar quchgan. Hamyurtimiz Jokovichga qarshi bahslarda faqat bitta setda g'alabaga erishganini ko'rish mumkin.

Jokovich - Istomin to'qnashuvlari:

2010 yil - "Australian Open" (6:1, 6:1, 6:2)

2011 yil - "Mayami Masters" (6:0, 6:1)

2013 yil - "Kanada Masters" (2:6, 6:4, 6:4)

2014 yil - "Australian Open" (6:3, 6:3, 7:5)

2014 yil - "Dubai" (6:3, 6:3)

Malumot uchun, Istomin ayni paytda ATP reytingida 117-pog'onada bormoqda. Uning bugungi raqibi esa 2-o'rinda qayd etilgan.