Australian Open. Dunyoning 4-raketkasi to'xtatildi

Bundan bir necha daqiqa avval erkaklar o'rtasidagi musobaqaning yana bir chorak final ishtirokchisi aniqlandi. Dunyoning to'rtinchi raqamli tennischisi Aleksandr Zverev kutilmaganda mag'lubiyatga uchrab, Avstraliya Ochiq chempionatidagi ishtirokini yakunladi. 

Germaniyalik tennischi 2 soatu 2 daqiqa davom etgan 1/8 final bahsida reytingning 17-pog'onasidan joy olgan kanadalik Milosh Raonichga 1:6, 1:6, 6:7(5) hisobida imkoniyatni boy berib qo'ydi. Raonichning 1/4 finaldagi raqibi xorvatiyalik Borna CHorich hamda franciyalik Lyuka Puil uchrashuvidan so'ng aniqlanadi.