17 fev 12:54
Yangiliklar

Tennis

Australian Open. Dunyoning birinchi raketkasini to'xtatishdi

Melburn shahrida tennis bo'yicha "Katta Dubulg'a" turkumiga kiruvchi Avstraliya Ochiq chempionati davom etmoqda.

Kutilmaganda ayollar o'rtasidagi yakkalik bahslarida sayyoramizning birinchi raqamli tennis malikasi Eshli Barti 1/4 final uchrashuvida mag'lubiyat alamini totib ko'rdi va musobaqadagi ishtirokini yakunladi.

Avstraliyalik tennischi 1 soatu 57 daqiqa davom etgan bahsda reytingning 27-pog'onasidan joy olib turgan chexiyalik Karolina Muxovaga imkoniyatni boy berib qo'ydi - 6/1, 3/6, 2/6. Tennischilarning o'zaro uchrashuvlaridagi hisob tenglashdi - 1:1.

Endi Muxova 1/2 finalda amerikalik Jennifer Brediga qarshi kortga chiqadi.