Australian Open. Istomin sensacion tarzda Jokovichni taslim qildi!

Quvonarlisi, 1 soatu 28 daqiqa davom etgan dramatik birinchi set yakunida hamyurtimiz nomdor raqibini mag'lubiyatga uchratdi. Mamlakatimizning birinchi raketkasi 7:6, taybrekda 10:8 hisobida Jokovichdan ustun keldi.

Ikkinchi setda Istomin 5:4 hisobida oldinda edi va unda ikkita set bol mavjud edi. Biroq Jokovich yakunda vaziyatni o'z tomoniga og'dirib oldi va yakunda 7:5 hisobida g'alaba qozondi.

Uchinchi setda tajribali Novak Jokovich 6:2 hisobida zafar quchdi. To'rtinchi set oldidan serbiyalik tennischi 2:1 hisobida oldinga chiqib oldi.

Hozirgina yakuniga etgan to'rtinchi setda hamyurtimiz Jokovichni 7:6, taybrekda 7:5 hisobida mag'lub etdi va hisobni tenglashtirdi - 2:2. Qoyil, Istomin. Hal qiluvchi beshinchi setda Denis 6:4 hisobida yutdi va sensacion tarzda Jokovichni musobaqadan chiqarib yubordi. 

Denis Istomin - Novak Jokovich 3:2 (7:6, 5:7, 2:6, 7:6, 6:4)

Novak Jokovich Australian Open musobaqasida olti marta (2008, 2011, 2012, 2013, 2015 va 2016 yillar) chempion bo'lgan. Demak, ayni kez Istomin musobaqaning amaldagi g'olibiga qarshi o'yin o'tkazyapti.

Serbiyalik tennischi “Katta Dublg'a” turkumiga kiruvchi barcha musobaqalarda g'olib chiqa olgan. Jokovich uch marta Uimbldon, ikki bor US Open va bir marta Rolan Garros turnirida zafar quchgan.