Australian Open. Qura tashlandi, Istominning raqibi malum

Bugun yilning to'rtta nufuzli turnirining dastlabkisida saralash bahslari yakunlanib, asosiy to'rga yo'llanma olgan barcha tennischilar malum bo'ldi.

Dunyoning 128 nafar saralangan raketka ustalari qatorida hamyurtiz Denis Istomin ham Avstraliya Ochiq chempionatining asosiy to'rida ishtirok etadi.

Qura natijasiga ko'ra, mamlakatimizning birinchi raketkasi ilk davrada xorvatiyalik Ivan Dodigga qarshi kortga chiqadigan bo'ldi. Bu uchrashuv g'olibi ikkinchi bosqichda katta ehtimol bilan dunyoning ikkinchi raketkasi, serbiyalik Novak Jokovich bilan to'qnash keladi.

Taqqoslash uchun, 30 yoshli Denis Istomin dunyo reytingida 119, 32 yoshli Dodig esa 153-o'rinni egallab turibdi. Istomin Avstraliya Ochiq chempionatida yubiley 10-marotaba ishtirok etadi.