Avaz Karimovni tabriklaymiz!

Avaz Qudratillaevich Karimov – 1983 yil 19 mayda Toshkent shahrida tug'ilgan. Malumoti oliy, Toshkent davlat iqtisodiyot universiteti hamda O'zbekiston davlat jismoniy tarbiya institutini tamomlagan.

Mehnat faoliyatini 2006 yilda O'zbekiston karate milliy federaciyasi raisining o'rinbosari sifatida boshlagan. 2007-2011 yillarda O'zbekiston karate milliy federaciyasi Toshkent shahar bo'limi raisi, 2011 yildan O'zbekiston badminton federaciyasi raisining o'rinbosari lavozimlarida faoliyat olib borgan.

2014-2015 yillarda Sportning qishki va murakkab texnik turlari bo'yicha Respublika oliy sport mahorati maktabi direktori o'rinbosari, so'ngra ot sporti bo'yicha Respublika oliy sport mahorati maktabi direktori, O'zbekiston Respublikasi Jismoniy tarbiya va sport Davlat qo'mitasi Ishlar boshqarmasi boshlig'i, 2017-2019 yillarda CHirchiq olimpiya zaxiralari maktab-internati direktori, 2019 yilning 6 sentyabridan  Respublika olimpiya zaxiralari kolleji direktori lavozimida faoliyat yuritgan. 

SHundan so'ng O'zbekiston jismoniy tarbiya va sport vazirining birinchi o'rinbosari lavozimida ishlagan. SHu yilning 10 aprelida esa O'zbekiston Respublikasi Prezidentining tegishli farmoni (PF-6203, 09.04.2021y) bilan yangi tashkil etilgan O'zbekiston Turizm va sport vaziri o'rinbosari lavozimiga tasdiqlangan. 

Saytimiz ijodkorlari va o'quvchilari nomidan Avaz Karimovni bugungi unutilmas kun bilan muborakbod etadi. U kishiga uzoq umr va sihat-salomatlik tilaymiz.