29 dek 09:30
Yangiliklar

SHaxmat

Ayollar o'rtasida ham rapid yo'nalishida jahon chempioni aniqlandi + Jadval

Polsha poytaxti Varshava shahrida shaxmatning rapid va blic yo'nalishlarida jahon chempionati davom etmoqda.

Xabar berganimizdek, jahon chempionatining rapid yo'nalishida hamyurtimiz, 17 yoshli grossmeyster Nodirbek Abdusattorov nomdor raqiblarini engib, chempionlikka erishgandi. U hal qiluvchi tay-brekda yaqindagina jahon toji uchun matchda ishtirok etgan rossiyalik Yan Nepomnyashiyni 1,5:0,5 hisobida mag'lub etdi.

Ayollar o'rtasidagi rapid yo'nalishi g'olibini aniqlash uchun esa tay-brekka hojat qolmadi. Rossiyalik Aleksandra Kostenyuk 11 imkoniyatdan 9 ochko jamg'arib, jahon chempioniga aylandi. Qozog'istonlik Bibisara Assaubaeva kumush, yana bir rus shaxmat malikasi Valentina Gunina bronza medaliga sazovor bo'ldi.