Azamat Nuftillaevning Moyzesio Brandaoga qarshi jangi muddatidan oldin yakunlandi

Turnirning asosiy kardi doirasida og'ir vaznli sportchimiz Azamat Nuftillaev (10-1-1, 7KO) braziliyalik Moyzesio Brandao (6-4, 2KO)ga qarshi jang qildi. 

Uch raundga mo'ljallangan jangda Nuftillaev raqibini uchinchi raundda texnik nokaut orqali mag'lub etdi. SHu tariqa, Azamat "Drakon" Nuftillaev Ares promoushenidagi ikkinchi jangida birinchi g'alabasini qo'lga kiritdi.

Jang statistikasiga nazar tashlasak, Nuftillaev Brandaoga jami 234 marotaba hujum qilgan, 2 bor teykdaun amalga oshirgan. Raqib Moyzesio Brandao esa Azamat Nuftillaevga qarshi atigi 24 bor hujum uyushtira olgan.

Azamat Nuftillaev mazkur promoushendagi ilk jangida Slim Trabelsiga qarshi oktagonga ko'tarilib, mag'lub bo'lgan edi.