14 avg 10:46
Yangiliklar

Tennis

Azarenko Cincinattida irodali g'alabaga erishdi

AQSHning Cincinatti shahrida xotin-qiz tennischilar ishtirokidagi nufuzli turnir davom etmoqda.

Dunyoning sobiq birinchi raketkasi Viktoriya Azarenko ushbu musobaqaning ilk davrasida irodali g'alabaga erishdi. Ayni paytda WTA reytingida 87-o'rinni egallab turgan belaruslik tennischi ispaniyalik Karla Suares Navarroni mag'lub etdi.

Roppa-rosa ikki yarim soat davom etgan bahs yakunida 29 yoshli Azarenko dunyoning 25-raketkasidan 6:7(5), 6:2, 6:4 hisobida ustun keldi. Belaruslik tennischi 10ta eys zarbasini amalga oshirdi. Endi Viktoriya ikkinchi bosqichda franciyalik Karolin Garsiyaga qarshi kortga chiqadi.