14 may 09:53
Yangiliklar

Tennis

Azarenko Rimdagi ishtirokini g'alaba bilan boshladi

Italiya poytaxti Rim shahrida tennis bo'yicha Premer toifasidagi nufuzli turnir davom etmoqda.

Sayyoramizning 51-raketkasi bo'lib turgan Viktoriya Azarenko musobaqadagi ishtirokini oson g'alaba bilan boshladi. Belaruslik tennischi reytingda o'zidan uch pog'ona yuqorida turgan xitoylik CHjan SHuayga qarshi kortga chiqdi.

Bir soatu 7 daqiqa davom etgan bahsda tajribali Azarenko 6/2, 6/1 hisobida g'alaba qozondi. Endi Viktoriya Internazionali BNL D'Italia turnirining ikkinchi bosqichida ukrainalik Elina Svitolinaga qarshi bahs olib boradi.