Barcelona Open. Grunt qiroli yarim finalga chiqdi

Barcelona Open Banc Sabadell yoki Trofeo Conde de Godó nomi bilan ataluvchi ushbu musobaqaning sovrin jamg'armasi 2 510 900 evroni tashkil qiladi. Dunyoning birinchi raketkasi hisoblangan Rafael Nadal ortiqcha qiyinchiliksiz yarim final ishtirokchisiga aylandi. 

Ispaniyalik yulduz chorak final uchrashuvida slovakiyalik Martin Klijanga qarshi kortga chiqdi. Bir soatu 45 daqiqa davom etgan uchrashuvda Nadal 6:0, 7:5 hisobida zafar quchdi. Endi u final chiptasi uchun belgiyalik David Goffinga qarshi bahs olib boradi.