"Barsa" ECHL uy o'yinida "Bavariya" darvozasi tomon aniq zarba yo'llay olmadi

Kataloniyaliklar guruh bosqichi 5-turida "Kamp Nou"da mag'lub bo'lishdi – 0:3. Ushbu o'yin davomida "ko'k-anorranglilar" futbolchilari 10 ta zarba berishdi: 3 tasi noaniq ketdi, yana 7 tasi to'sib qo'yildi.

Mehmonlar futbolchilari raqib darvozasiga 13 marta zarba berishdi. 7 ta zarba nishonga tegdi, 4 tasi – noaniq, yana 2 tasini "Barsa" futbolchilari to'sib qo'yishdi.

"Bavariya" 15 ochko bilan "C" guruhida 1-o'rinda bormoqda, "Barselona" esa 4 ochko bilan uchinchi o'rinda.