Basketbol Vatani vakillari Toshkentda

O'zbekiston Xalq talimi vazirligi tomonidan AQSHning mamlakatimizdagi elchixonasi hamkorligida tashkil etilgan mazkur tashrif doirasida yoshlar o'rtasida basketbol bo'yicha o'quv o'yinlari hamda maktablarda bullingga (zo'ravonlikka) qarshi “T.E.A.M, Up at School” dasturi asosida mahorat darsi va seminar-treninglar o'tkazilishi belgilangan.

Bundan ko'zlangan maqsad o'quvchilarda jamoaviy ishlash, stress va emocional holatni boshqarish, bu orqali bullingga qarshi kurashish ko'nikmasini shakllantirishdan iboratdir.

Mashg'ulotlar va bullingga qarshi dasturdan tashqari “Harlem Globetrotters” jamoasi 26, 28 va 30 may kunlari Toshkentdagi “Humo Arena” majmuasida “Washington Generals” jamoasi bilan musobaqa o'tkazadi. Etiborli jihati, shu tariqa jamoa dunyoning 124 mamlakatiga tashrif buyurib, Ginnes rekordini yangilaydi.

Malumotlarga ko'ra, “Harlem Globetrotters” yaxshi niyat elchilari sifatida 1950 yildan buyon AQSH davlat departamenti bilan hamkorlik qilib kelmoqda. Ayni paytda “Harlem Globetrotters” Amerikaning noyob basketbol jamoasi bo'lishi bilan bir qatorda millionlab odamlarni basketbolga oshno etib, olti qitada o'zaro do'stlik va bir-birini tushunish tuyg'ularini mustahkamlashga hissa qo'shmoqda. 2003 yildan buyon davlat departamentining talim va madaniyat masalalari byurosi “Sport elchilari” dasturi doirasida 250 nafar amerikalik sportchilarni 85 dan ortiq mamlakatga yubordi.

Basketbolchilarning Namangan, Farg'ona va Andijon viloyatlarida bo'lishi ham rejalashtirilgan.