29 dek 10:14
Yangiliklar

Bel olish va uch kurash bo'yicha O'zbekiston chempionatida kuchlilar aniqlandi + FOTO

Sirdaryo viloyatining SHirin shahri hamda Guliston tumanidagi bolalar-o'smirlar sport maktablarida bel olish va uch kurash bo'yicha 2005-2006 va 2007-2008 yillarda tug'ilgan o'g'il bolalar va qizlar o'rtasida O'zbekiston chempionati bellashuvlari bo'lib o'tdi.

O'zbekiston Respublikasi Jismoniy tarbiya va sport vazirligi hamda O'zbekiston Bel olish va uch kurash associaciyasining yillik-taqvim rejasidagi mazkur mamlakat chempionatida Qoraqalpog'iston Respublikasi, Toshkent shahri va barcha viloyatlardan 600 nafarga yaqin yosh polvonlar g'oliblik uchun kurash tushishdi.

Musobaqa reglamentiga muvofiq, dastlab 2005-2006 hamda 2007-2008 yillarda tug'ilgan o'smirlar va qizlar SHirin shahridagi BO'SMda bel olishning xalqa-chalish, xalqa-chalishsiz yo'nalishlarida belgilangan vazn toiflariga ko'ra kuch sinashishdi.

Bel olish bo'yicha bellashuvlar yakuniga etgach Guliston tumanidagi BO'SMda uch kurash bo'yicha “belbog'li”, “belbog'siz” yo'nalishlarida ham g'oliblar nomi aniqlandi.

Murosasiz o'tgan mazkur yo'nalishlardagi musobaqalarda Bexruz Baxtiyorov (Navoiy), Azizillo Aliev (Andijon), Faxriddin Eshquvatov (Surxondaryo), Abbosxon Tilavoldiev (Farg'ona), Nurbek Omonov (Sirdaryo), Oybek Abduqayumov (Toshkent v.), Akmal Matyaqubov (Xorazm), Abdulaziz Jo'raev (Toshkent sh.), Dilnura Rustamova (Surxondaryo), Gulinur Nishonova (Andijon) kabi istedodli o'g'il-qizlar o'z vazn toifalariga ko'ra chempionlikni qo'lga kiritib, shohsupadan joy olishga muvaffaq bo'lishdi.