Belbog'li kurash. Kuchlilar aniqlandi

Kecha yakuniga etgan ushbu turnir 2002-2004, 2005-2006 hamda 2008-2010 yillarda tug'ilgan bolalar o'rtasida bo'lib o'tdi. Mazkur ochiq birinchilikda 100 nafarga yaqin belbog'li kurash bilan muntazam shug'ullanayotgan sportchi bolalar o'z imkoniyatlarini sinovdan o'tkazishdi.

Qiziqarli va murosasiz o'tgan bellashuvlarning yakuniy natijalariga ko'ra Umarbek Isaev (24 kg.), Ibrohim Abduhafizov (27 kg.), Aziz Norboev (30 kg.), Husan Iskandarov (33 kg.), Hasan Iskandarov (36 kg.), Asadbek Saidakbarov (40 kg.), Alisher Salimov (46 kg.), Alijon Ermetov (50 kg.), Inomjon Xoldorboev (55kg,) hamda  Furqat To'lqinov (+55 kg.)lar faxrli birinchi o'rinni qo'lga kiritishdi. 

G'olib va sovrindorlar Toshkent shahar jismoniy tarbiya va sport jamg'armasi hamda 2-BO'SM tomonidan diplom, medal va esdalik sovg'alari bilan mukofotlanishdi.

Imomali UMRZOQOV, Uchtepa tuman 2-BO'SM belbog'li kurash murabbiyi, belbog'li kurash bo'yicha milliy toifadagi hakam: 

- 8 dekakbr - O'zbekiston Respublikasi Konistituciyasi qabul qilinganligining 26 yilligi munosabati bilan o'tkazilgan ushbu ochiq birinchilikda iqtidorli sportchilar ko'pligi malum bo'ldi. Maqsadimiz - o'g'il-qizlarni jismoniy tarbiya va sportga bo'lgan ishtiyoqini yanada kuchaytirish, qolaversa, Toshkent shahar va Respublika milliy terma jamoalariga munosib nomzodlarni aniqlashdan iborat edi. Musobaqani yuqori saviyada, ko'taringki ro'hda o'tishida ko'makchi bo'lgan Toshkent shahar jismoniy tarbiya va sport jamg'armasiga, BO'SM direktori Mamura Muxamedjanovaga, O'zbekiston belbog'li kurash federaciyasiga, bellashuv bosh hakami Abdilaziz Malikov va boshqa mutassadilarga shogirdlarimiz va ularning ota-onalari nomidan minnatdorchilik bildiraman.  

Ilhom RAHMONOV, o'z muxbirimiz