Belgrad (ATP). Denis SHapovalov 5 yil deganda sovrin yutdi

Dunyoning 78-raketkasi bo'lib turgan Denis SHapovalov musobaqa bosh sovriniga ega chiqdi. Kanadalik tennischi hal qiluvchi final uchrashuvida ATP reytingida 156-pog'onasidan joy olib turgan mezbon tennischi Xamad Mejedovichni 6/4, 6/4 hisobida mag'lubiyatga uchratdi. 

Bu tennischilarning o'zaro o'tkazgan ilk uchrashuvi bo'ldi. Etmish sakkiz daqiqa davom etgan bahsda SHapovalov 13, Mejedovich 3 ta eys zarbasini amalga oshirgan. SHapovalov 5 yil deganda ATP toifasiga kiruvchi turnirda chempion bo'ldi. Kanadalik bir haftalik mehnatidan 250 reyting ochkosi hamda 88,125 evro mukofot puli ishlab oldi.