Belinda Benchichda kutilmagan mag'lubiyat

Sayyoramizning 10-raqamli tennis malikasi Belinda Benchich Upper Austria Ladies Linz turnirining ilk davrasidayoq mag'lubiyat alamini totib ko'rdi. SHveycariyalik tennischi germaniyalik Anna-Lena Fridzamga qarshi bahsda yutqazdi. 

Benchich 1 soatu 51 daqiqa davom etgan uchrashuvda reytingning 166-pog'onasini egallab turgan raqibasiga 4/6, 6/2, 2/6 hisobida imkoniyatni boy berib qo'ydi. Endi Fridzam ikkinchi bosqich uchrashuvida qozog'istonlik Elena Ribakinaga qarshi kortga chiqadi.