12 may 09:45
Yangiliklar

Tennis

Bertens - Mutua Madrid Open g'olibasi va 1,202,520 € sohibasi!

Dunyoning ettinchi raketkasi Kiki Bertens Ispaniya poytaxti Madrid shahrida o'tkazilgan nufuzli WTA turniri g'olibasiga aylandi.

Gollandiyalik tennischi hal qiluvchi final uchrashuvida reytingning uchinchi pog'onasidan joy olgan ruminiyalik Simona Xalepga qarshi kortga chiqdi. Bir soatu 27 daqiqa davom etgan bahsda Kiki 6/4, 6/4 hisobida zafar quchdi.

Kechagi bahsdan so'ng ikki tennischining o'zaro uchrashuvlaridagi muvozanat ham tiklandi - 3:3. Bertens Mutua Madrid Open turniridagi muvaffaqiyatli ishtiroki sabab 1000 reyting ochkosi hamda 1 million 202 ming 520 evro mukofot pulini qo'lga kiritdi.