Bertens Palermo turniri finalida 82-raketkaga yutqazib qo'ydi

Hal qiluvchi final uchrashuvida sayyoramizning beshinchi raqamli tennischisi Kiki Bertens reytingning 82-pog'onasidan joy olib turgan shveycariyalik Jil Belen Taykmannga qarshi kortga chiqdi. 

Bir soatu 52 daqiqa davom etgan final bahsida 27 yoshli Kiki kutilmaganda 22 yoshli raqibasiga 6/7(3), 2/6 hisobida imkoniyatni boy berib qo'ydi. Palermo Ladies Open turniridagi muvaffaqiyatli ishtirok Taykmannga 280 reyting ochkosi hamda 34 677 evro mukofot puli keltirdi.