Bilib qo'ygan yaxshi: sportda eng ko'p uchraydigan 5 ta doping moddasi

Doping — organizmning ruhiy va jismoniy faoliyatini qisqa muddat kuchaytiradigan moddalar hisoblanadi. Malumki, sportda doping moddalaridan foydalanish qatiyan taqiqlanadi. Ammo, bir paytlar doping moddalaridan sport o'yinlari natijalarini yaxshilash maqsadida foydalanilgan. 

Sportchilar orasida doping moddalaridan zaharlanish va o'lim holatlari kuzatilganligi uchun Xalqaro olimpiya qo'mitasi 1967 yildan sport o'yinlari chog'ida doping qabul qilishni man etgan va qatiy nazorat o'rnatgan. Qatiy qonun qoidalarga ko'ra, hozirda doping ishlatgan sportchilar musobaqalardan hatto bir necha yilga chetlashtiriladi.

Doping so'zi inglizcha doping, dope so'zlaridan olingan bo'lib, “narkotiklar bermoq” degan manoni anglatadi. Bugungi kunda doping moddalarining bir nechta turlari mavjud. Hozir etiboringizga sportda eng ko'p uchraydigan 5 ta doping moddasi haqida malumot berib o'tamiz.

1. EPO (eritropoetin). Ko'proq ciklik sport turlariga mansub: velosport, chang'i sporti, biatlon, suzish va boshqalar.

2. Anabolik steroidlar (testesteron, stanozolol, nandrolon, metenolon). Ko'proq engil va og'ir atletika, suzish, chang'i sporti va boshqalarga mansub.

3. Diuretiklar, yoki siydik xaydovchilar (xlortalidon, acetazolamid, triamterin, furosemid). Ko'proq badiiy gimnastika, figurali uchish, engil va og'ir atletikaga mansub.

4. Qon va qon komponentlarini quyish. Ko'proq velosport, engil atletika, chang'i sporti va boshqalarga mansub.

5. Neyrostimulyatorlar, yoki ruhiyatni qo'zg'atuvchilar (kokain, efedrin, ekstazi va amfetaminlar). Ular deyarli barcha sport turlariga mansub – boksdan boshlab to badiiy gimnastikagacha.