Billie Jean King Cup. Bu safar Bruney-Darussalam mag'lub etildi

Bugun "Billie Jean King Cup" musobaqasi "Asia/Oceania Group II" bosqich o'yinlari doirasida O'zbekiston terma jamoasi Bruney termasiga qarshi kortga chiqdi. "A" guruhidagi ikkinchi tur uchrashuvida Ominaxon Valixanova Jia Xuy Tanni 6:1 6:0 hisobida mag'lubiyatga uchratdi, ikkinchi o'yinda esa Maftunabonu Qahramonova Ming Ruy CHongni 6:1, 6:2 hisobida taslim etdi. Jamoalarning uchinchi uchrashuvida Nasiba Espolova/ Aliya Musabekova juftligi Jia Xuy Tan/Ming Ruy CHong tandemidan 6:1, 6:2 hisobida ustun keldi. SHu tariqa, terma jamoamiz Bruney-Darussalam ustidan 3:0 hisobida g'alaba qozondi.