14 may 12:28
Yangiliklar

Tennis

Birozdan so'ng Fayziev Samarqand “CHellenjer” turnirida kortga chiqadi, Do'stov ham

Xabar berganimizdek, bugun Samarqand shahrida “CHellenjer” turkumiga kiruvchi turnirning asosiy to'r bahslari boshlandi.

Sovrin jamg'armasi 75 000 AQSH dollarini tashkil qiluvchi musobaqaning asosiy to'rida hamyurtlarimizdan Denis Istomin, Farrux Do'stov va Sanjar Fayziev o'z imkoniyatlarini sinovdan o'tkazishadi. Birozdan so'ng mamlakatimizning ikkinchi raketkasi bo'lgan Fayziev birinchi davra uchrashuvida kortga chiqadi.

Uning raqibi bosniyalik Aldin SHetkich bo'ladi. Fayziev dunyo reytingida 482, SHetkich esa 251-o'rinni egallab turibdi. Ikki tennischi shu kungacha o'zaro bir bor to'qnash kelishgandi. O'tgan yilning oktyabr oyida o'tkazilgan uchrashuvda Aldin zafar quchgan edi.