Birozdan so'ng Istomin Almati turnirida kortga chiqadi

Sovrin jamg'armasi 50 000 AQSH dollarini tashkil qiluvchi ushbu turnirda hamyurtimiz Denis Istomin birinchi raqam ostida harakat qilyapti. Bir necha daqiqalardan so'ng Osiyo o'yinlari g'olibi turnirning ikkinchi davra uchrashuvini o'tkazadi. 

Istomin misrlik Muhammad Safvatga qarshi kortga chiqadi. Bu tennischi kecha ilk bosqichda istedodli hamyurtimiz Humoyun Sultonovni dramatik kechgan uchrashuv yakunida 6:2, 4:6, 7:6, taybrekda 7:4 hisobida mag'lub etgandi. Istomin esa portugaliyalik Frederiku Silvadan 6:3, 7:5 hisobida ustun kelgan edi. 

Taqqoslash uchun, Denis Istomin dunyo reytingida 103, Muhammad Safvat esa 196-o'rinni egallab turibdi. Tennischilar shu kungacha o'zaro turnirlarda to'qnash kelishmagan. G'olib tennischi musobaqaning chorak finaliga yo'l oladi.