“Biz sog'lom turmush tarzi tarafdorimiz!” shiori ostida marafon o'tkazildi

Mustaqillik shoh ko'chasida joylashgan ixtisoslashtirilgan olimpiya zaxiralari maktab internati oldidan Qarshi kurantigacha bo'lgan masofada viloyat hokimligi, viloyat jismoniy tarbiya va sport boshqarmasi hamda Yoshlar ittifoqi shahar kengashi tashabbusi bilan “Giyohvandlikka qarshi kurash oyligi” doirasida “Biz sog'lom turmush tarzi tarafdorimiz!” shiori ostida tashkil etildi. 

Ko'tarinki ruhda o'tkazilgan ushbu yugurish marafonida Qarshi shahrida joylashgan mahallalar aholisi, turli tashkilot va idoralar xodimlari, shuningdek, umumiy o'rta talim maktablari, kasb-hunar kollejlari va oliy o'quv yurtlaridan 1000 nafarga yaqin 14 yoshdan 30 yoshgacha bo'lgan yoshlar ishtirok etishib, o'z irodalarini sinovdan o'tkazishdi.

Musobaqa yakunida quyidagi natijalar qayd etildi.

Qizlar (Qarshi DU)

1. Muhabbat Hamidova  

2. Marjona Rahmonqulova   

3. Fotima Rashidova 

Qizlar (kollej o'quvchilari)

1. Maysara Yusupova  

2. Setora CHorieva  

3. Feruza Elieva     

Qizlar (umumtalim maktab o'quvchilari)

1. SHohida Saidmurodova  

2. Gulbadan Saidmurodova 

3. Marjona Egamberdieva 

O'g'il bolalar (Qarshi DU)

1. Islombek Rahimov  

2. SHahzod Abdurahmonov 

3. Odil Avazov 

O'g'il bolalar (kollej o'quvchilari) 

1. SHahzod Mahmudov 

2. Jahongir Eshonqulov 

3. Javlon Xolboev 

O'g'il bolalar (umumtalim maktab o'quvchilari) 

1. Lutfulla Maxmatqulov 

2. Ro'zimurod Boyto'raev 

3. Asqar Murodullaev   

Musobaqa so'ngida g'olib va sovrindorlar Qarshi shahar hokimligi, viloyat jismoniy tarbiya va sport boshqarmasi tomonidan diplom, medal va esdalik sovg'alari bilan taqdirlanishdi. 

SHuningdek, giyohvandlikka qarshi kurashish hamda Yoshlar kuni munosabati bilan CHiroqchi tumanida ham “Biz sog'lom turmush tarzi tarafdorimiz” shiori ostida tuman xalq talimi bo'limi tasarrufidagi 90-umumiy o'rta talim maktabining sport zalida kurash bo'yicha o'quvchi-yoshlar o'rtasida musobaqa tashkil etildi. 

Yoshlar Ittifoqi tuman bo'limi, tuman jismoniy tarbiya va sport bo'limi hamda 1-Bolalar va o'smirlar sport maktabi bilan hamkorlikda o'tkazilgan musobaqada 100 nafardan ortiq yosh polvonlar ishtirok etishdi. O'z vazn toifalarida g'oliblikni qo'lga kiritgan polvonlar tashkilotchilar tomonidan munosib taqdirlandi. 

Jahon ERGASHEV, Qashqadaryo viloyat jismoniy tarbiya va sport boshqarmasi boshlig'i o'rinbosari

Ilhom RAHMONOV, o'z muxbirimiz