13 okt 11:13
Yangiliklar
Tennis
BNP Paribas Open. Marreyni mag'lub etgan Zverev 1/8 finalga chiqdi
SHu kunlarda AQSHning Indian-Uells shahrida mukofot jamg'armasi 8 359 455 AQSH dollarini tashkil qilgan "Masters" turniri davom etmoqda.
Turnirning eng murosasiz uchrashuvi bo'lishi kutilgan germaniyalik 4-raketka Aleksandr Zverev hamda britaniyalik jahonning sobiq birinchi raketkasi Endi Marrey o'rtasidagi bahs kutilganidek qiyin kechdi.
Ikki soatu 8 daqiqa davom etgan uchrashuvda Zverev tajribali raqibini 6/4, 7/6 hisoblarida mag'lubiyatga uchratib, 1/8 final bosqichiga yo'l oldi. Zverev faoliyatida ilk bor Marreyni mag'lub etdi. Tennischilar o'zaro to'rt marotaba to'qnash kelishgan edi.
Aleksandr Zverevning nimchorak finaldagi raqibi franciyalik Gael Monfis bo'ladi.
Havola :
Manba : olamsport.com
Fikrlar