14 mar 08:42
Yangiliklar

Tennis

BNP Paribas Open. Rojer Federer 1/4 finalda!

Dunyoning to'rtinchi raketkasi Rojer Federer Indian-Uells turnirining chorak final ishtirokchisiga aylandi.

SHveycariyalik tennis yulduzi to'rtinchi davra uchrashuvida britaniyalik Kayl Edmunddan ustun keldi. Bir soatu 3 daqiqa davom etgan bahsda Rojer reytingning 23-pog'onasidan joy olgan raqibini 6/1, 6/4 hisobida engdi.

Bu tennischilarning o'zaro ilk uchrashuvi edi. Endi Federer BNP Paribas Open turnirining chorak finalida musobaqa kashfiyotiga aylangan polshalik Xubert Gurkachga qarshi kortga chiqadi.