Bolelli yangi zamon tennisi tarixiga kirdi

Gap shundaki, Simone "Katta Dubulg'a" turkumiga kiruvchi Uimbldon turnirining asosiy to'riga "Laki-luzera", yani omadli yo'llanmani qo'lga kiritdi. 

Bu bilan Bolelli faoliyatida beshinchi marotaba bunday imtiyozga ega bo'ldi. Bu safar ukrainalik Aleksandr Dolgopolov jarohati sabab musobaqada ishtirok eta olmasligini aytganidan so'ng Simonega asosiy to'r chiptasi taqdim etildi.  

Malumot uchun, kanadalik Piter Polanski to'rt marotaba ana shunday imkoniyatni ega bo'lgan edi. Yana to'rt nafar raketka ustalari uch marotabadan bu imkoniyatdan foydalanishgan.